Wi Fi အကြောင်း

Wifi အကြောင်း တစေ့တစောင်း
လေဆိပ်ပဲသွားသွား၊ ကော်ဖီဆိုင်တချို့မှာပဲ ထိုင်ထိုင်၊ ဟော်တယ်တစ်ခုခုမှာပဲ တည်းတည်း လူစည်ကားရာ နေရာတိုင်းလိုလိုမှာ Wifi လို့ ခေါ်တဲ့ 802.11 networking ကို ဖုန်း ဒါမှမဟုတ် အိပ်ဆောင်ကွန်ပျူတာတွေနဲ့ အသုံးပြုနိုင်တာ သိပြီးဖြစ်မှာပါ။ တချို့နိုင်ငံတွေရဲ့ မြို့တချို့မှာဆို Free WiFi (သို့မဟုတ်) တန်ဖိုးနည်း အင်တာနက်တွေကို အသုံးချနိုင်အောင် စီစဉ်ပေးနေကြပါပြီ။ ဒီလိုနဲ့ပဲ တဖြည်းဖြည်းနဲ့ အင်တာနက်ကို ကြိုက်တဲ့ အချိန် ကြိုက်တဲ့နေရာမှာ ဈေးနှုန်းချိုသာစွာ အသုံးပြုနိုင်ဖို့ လမ်းစတွေ စပေါ်လို့ နေပါပြီ။ Wireless Network တစ်ခုကို လွယ်လွယ်ကူကူ မြန်မြန်ဆန်ဆန် ပြုလုပ်နိုင်ခြင်းဟာလဲ WiFi ရဲ့ အားသာချက်တစ်ခုဖြစ်တယ်။ အဲဒီ WiFi ရဲ့ အကြောင်း တစေ့တစောင်းကို ဒီတစ်ပတ် လူငယ်နှင့် နည်းပညာကဏ္ဍမှာဖော်ပြချင်ပါတယ်။

ကြိုးမဲ့ကွန်ယက်စနစ်တစ်ခု(A wireless network) ဟာ လက်ကိုင်ဖုန်းတို့၊ တီဗွီတို့ ရေဒီယိုတို့လိုပဲ ရေဒီယိုလှိုင်းတွေကို အသုံးပြုထားတာပါ။ တိတိကျကျပြောရမယ်ဆိုရင် လမ်းကြောင်းနှစ်ခုသွား ရေဒီယို ဆက်သွယ်မှုတစ်ခုပါပဲ။ သူ့ရဲ့ အလုပ်လုပ်ပုံကတော့ ဖုန်း (သို့) ကွန်ပျူတာရဲ့ ကြိုးမဲ့adapter က data တွေကို ရေဒီယိုလှိုင်း အဖြစ်ပြောင်းလဲပြီး အင်တင်နာမှတဆင့် ပို့ဆောင်စေတယ်။ အဲဒီပို့လိုက်တဲ့ အချက်အလက်တွေကို wireless router ကနေ လက်ခံရရှိပြီး အင်တာနက်ပေါ်ကိုလွှင့်တင်ပေးပါတယ်။ အဲဒီပို့ဆောင်မှုဟာ ပြောင်းပြန်လည်း အလုပ်လုပ်ပါတယ်။ Router က သတင်းအချက်အလက်တွေကို  အင်တာနက်ပေါ်မှ လက်ခံပြီး ရေဒီယိုလှိုင်းအဖြစ်ပြောင်းလို့ ကွန်ပျူတာရဲ့ ကြိုးမဲ့ adapter ဆီပို့လွှတ်ပေးပါတယ်။ WiFi ဆက်သွယ်မှုအတွက် သုံးတဲ့ Radio စနစ်ဟာ Wailie-talkies (စကားပြောစက်) ၊ လက်ကိုင်ဖုန်း စတာတွေမှာ သုံးတဲ့ စနစ်နဲ့ တော်တော်လေး ဆင်တူပါတယ်။ အဲဒီစနစ်ဟာ ရေဒီယိုလှိုင်းတွေကို လက်ခံပြီး ဒစ်ဂျစ်တယ် ဖြစ်တဲ့ ၁ နဲ့ ၀ ကို ပြောင်းလဲပေးနိုင်သလို ၁နဲ့ ၀ကို ပြောင်းလဲပြီး ရေဒီလှိုင်းတွေအဖြစ် ပို့လွှတ်ပေးပါတယ်။ အဓိက ကွာခြားချက်ကတော့ WiFi ဟာ ပိုပြီး မြင့်တဲ့ 2.4 GHz or 5 GHz Frequency ကို အသုံးပြုထားတာပါ။ ပိုမြင့်တဲ့ Frequency ကို အသုံးပြုခြင်းဖြင့် ပိုများပြားတဲ့ Data တွေကို သယ်ယူပို့ဆောင်ပေးနိုင်မှာ ဖြစ်တယ်။ 802.11 networking standard ကို အသုံးပြုထားပြီး အောက်ပါ အမျိုးအစားတွေကို ထပ်မံ ခွဲထုတ်ထားတယ်။  802.11a ဟာ 5GHz နဲ့ ပို့ဆောင်ပြီး 52 Megabits / sec အဖြစ် လည်းကောင်း ၊ 802.11 b ဟာ အနှေးဆုံးနဲ့ ဈေးအပေါဆုံးဖြစ်လို့ 11 megabits / sec ကို 2.4GHz နဲ့ လည်း ကောင်း၊ 802.11g ဟာ 2.4 GHz နဲ့ 54 megabits / Sec ကို ပို့ဆောင်ခြင်းဖြင့် လည်း ကောင်း၊ 802.11n ဟာ အမြင့်ဆုံး 140 megabits / sec ဖြင့်လည်း ကောင်း၊ 802.11ac ဟာ ၂၀၁၃ ကမှ စမ်းသပ်ထားတဲ့ စနစ်တစ်ခုဖြစ်ပြီး 450 megabits / sec အထိအောင် သွားနိုင်လိမ့်မယ်လို့စမ်းသပ်တွေ့ရှိထားပါတယ်။

WiFi hotspot ဆိုတာဟာ ကြိုးမဲ့ကွန်ယက်စနစ်တစ်ခု ရှိတဲ့ နေရာကို ပြောတာဖြစ်ပြီး ပုံမှန်အားဖြင့် လေဆိပ်တွေတို့ ကော်ဖီဆိုင်တို့မှာ အတွေ့များတယ်။ တချို့က အလကားဖြစ်ပြီး တချို့က အသုံးပြုဖို့အတွက် အခကြေးငွေ အနည်းငယ်ပေးရတတ်တယ်။ အခုနောက်ပိုင်း 4G နဲ့ Smart Phone တွေရဲ့ ကျေးဇူးကြောင့် မိမိကိုယ်ပိုင် Wireless Hotspot တစ်ခုကို အလွယ်တကူ လွှင့်ထူနိုင်ပါပြီ။ WiFi hotspot ပေးတဲ့ နေရာတွေမှာ မိမိရဲ့ ကွန်ပျူတာနဲ့ ချိတ်ဆက်အသုံးပြုချင်တယ်ဆိုရင် ကွန်ပျူတာကို ဖွင့်လိုက်ပါက ရှိနေတဲ့ network တွေကို အလိုအလျှောက် ချိတ်ဆက်ပေးမှာဖြစ်တယ်။ အကယ်၍ မိမိရဲ့ ကွန်ပျူတာက Built-in Wireless adapter မပါဘူးဆိုရင် USB ဒါမှမဟုတ် PCI adaptar ကို ၀ယ်ပြီး ချိတ်ဆက်အသုံးပြုနိုင်ပါမယ်။ တချို့ အိပ်ဆောင်ကွန်ပျူတာ အဟောင်းတွေမှာ wireless hotspot ကို တွေ့နိုင်ဖို့ ဆော့ဝဲလ် တချို့ သွင်းဖို့ လိုနိုင်မှာပါ။ WiFi hotspot တစ်ခုကို အိမ်မှာ တပ်ဆင်ချင်တယ် ဆိုရင်လည်း အလွယ်တကူ တပ်ဆင်နိုင်မှာပါ။ အင်တာနက်ကို ချိတ်ဆက်ထားတဲ့ Modern တစ်ခုရယ် wireless router တစ်ခုရယ် ရှိရုံနဲ့ တအိမ်လုံး သုံးနိုင်မယ့် ဒါမှမဟုတ် တရုံးလုံး သုံးနိုင်မယ့် Wireless hotspot တစ်ခုကို တည်ဆောက်နိုင်မှာပါ။ ပုံမှန် Router တစ်ခုဟာ ပေ ၁၀၀ ပတ်လည်အထိ ဖြန့်ကျက်ထားနိုင်ပေမယ့် နံရံ ၊ တံခါး စတာတွေ ကြားခံနေရင် Wireless ကို မမိတာမျိုးဖြစ်တတ်ပါတယ်။ တကယ်လို့ မိမိရဲ့ အိမ် (သို့) ရုံးဟာ တော်တော်ကျယ်တယ် Wireless ကို တချို့နေရာတွေမှာ မမိဘူးဆိုရင် Range extenders တို့ repeaters တို့ ၀ယ်ပြီး Router ရဲ့ ဖြန့်ကျက်ထားနိုင်မှုကို တိုးချဲ့နိုင်မှာဖြစ်တယ်။ ပြီးတော့ အဲဒီ Network ကို အပြင်လူတွေ မသုံးနိုင်အောင် Security Key ကိုလည်း Router ရဲ့ Setting မှာ ထည့်သွင်းနိုင်ပါတယ်။

မိမိရဲ့ လက်ကိုင်ဖုန်းကို wireless hotspot လုပ်ချင်တယ်ဆိုရင် လက်ကိုင်ဖုန်း နံပါတ် ၁ ကို potable WiFi hotspot Enable လုပ်လို့ လက်ကိုင်ဖုန်း နံပါတ် ၂ ဒါမှမဟုတ် အိတ်ဆောင်ကွ